«Сандыктагы могҗизалар»: табышмаклар сәгате (0+)

Балалар һәм яшүсмерләр  бүлеге хезмәткәрләре мәктәпкәчә яшьтәге балалар өчен «Сандыктагы могҗизалар» дигән табышмаклар сәгате уздырды.

Сәяхәт башында тылсымлы сандыкның килеп чыгуы сюрприз булды, һәм балалар аның кайсы әкияттән булуын белде. Алар бик теләп табышмаклар чиште, сорауларга җавап бирде, әкияттәге әйберләрне таныды, әкиятләрне һәм әкият геройларын искә төшерде. 
Чара азагында балалар китаплар күргәзмәсен карады, яңа әкиятләр белән танышты һәм тылсымлы сандыктан бүләккә әкиятләр һәм татлы күчтәнәчләр белән балалар китабы алды.